DELENGA
NGISOR
dhuh
kaki, praja nora royo-royo
dhuh
nini, saiki bhumi katon loyo
ing
lakune kala kang saya banter
wengi
sansaya wengi
aja
mung mangan enak, banjur pakan diguwak
aja
mung urip kepenak, banjur rasa diguwak
dhuh
kaki, delenga kae sing turu
dhuh
nini, delenga kae sing mangan
ngemis,
makarya tanpa gengsi
nggosek
pangan kanggo urip
padha
delenga sing urip ana pinggir dalan
weteng
padha luwe
bocah
tetangisan, netesake rah
padha
delenga
celakna
mripatmu, buka kupingmu
nora apa kaya Qorun, ning aja dadi Qorun
nora apa kaya Duryudana, ning aja kaya
Duryudana
dhuh
kaki, dhuh nini
gaweya
endahing esem esuk
piwelingku,
delenga ngisormu
SUWUNG
krik krik..
ening
krik krik..
sepi
lingsir wengi iki
amung
swara jangkrik
kadya tyasing manungsa
tan ana rasa perduli
suwung
amung tumiyuping bayu
saklebatan, mlayu
amung mampir
Semarang, 2011
LATHI
amung lathi
kang dadi cekelan
amung lathi kang
kang bisa musprakake liyan
kang bisa musnakake liyan
amung lathi
kang andadekake congkrah
amung lathi
kang
andadekake bubrah
lathi, kang dadi cekelan
lathi, bisa nyawijikake
bisa gawe saeka praya
amung lathi..
ya.. lathi
nugraha uga bebaya
Semarang, 2011
GURIT PANGUWASA
ing
wancine
tekan
kala mangsane
antarane
pandhawa lan kurawa
sesingidan
rerebut Ngastina
ngetungi
dina-dina
kang
kebak prahara
pandawa
dadi sesingidan
kurawa angumbar kadurjanan
lha,
kepriye bisa maju negarane
kepriye
bisa tentrem rakyate
yen
ta..pangarsaning bangsa
tan
bisa aweh tuladha
Semarang, 2011
SUPATA
poma poma kaki nini
urmatana rena nira
kang wus hanggarbini slira,
sira padhang hawa
saka rena nira
kang wis lila
totohan
nyawa
pangandikane kang becik
kudu dennuta
poma den poma
sira gawe roga renanira
aywa gawe roganing tyas wibi nira
donga bakal lumaksana
supata
uga
Tidak ada komentar:
Posting Komentar